Սարդարյան Ավետ

Մայիսի 31-հունիսի 7-ը

Ճամբարի առաջին շաբաթ՝ 27.05-4.06

«Հակաբացիլ Կոմիտաս» ամենամյա երաժշտական նախագիծ

Նախագծի առաքելությունը ամենայն հայոց երգահանի` մեծն Կոմիտասի ստեղծագործությունները հանրայնացնել, տարածելն է` պահպանելով ազգային երգի բարձրաճաշակ միասնականությունը:

Նախագծի հեղինակ՝ Արթուր Շահնազարյան

Երաժշտական փաթեթներ

Հակաբացիլ Կոմիտաս երգեր. 1-12-րդ դասարանների, քոլեջի ուսանողներ
Հակաբացիլ Կոմիտաս երգեր. նախակրթարան, 5-6 տարեկաններ
Հակաբացիլ Կոմիտաս 20 երգեր. երգելու, ունկնդրելու և ծանոթանալու համար
Հայացք բարձունքից՝ Կոմիտասով
«Նուրին-նուրին » աշխատանքային նախագիծ

Նախագծի իրականացում ՝ Լուսինե Գասպարյանի ջոկատում

«Հայերենը երգով» համագործակցային նախագծով՝ ազգային աշխատանքային երգերի , պարերգերի ուսուցում՝ Անուշ Ներսիսյանի հետ

Կոմիտաս՝ «Երկինքն ամպելա», «Շախկր, շուխկր»

Երկինքըն ամպել է,
Ի՜նչ անուշ թոն է.
Գամ դըռնեն անցնեմ՝
Հոգյակըս հոն է:


Երկինքըն ամպել է,
Գետինը թաց է.
Յարըս քնել է,
Երեսը բաց է:

Երկինքըն ամպել է,
Ի՜նչ անուշ երակ.
Սըրտիս մեջ լըցավ,
Մի բուռ կըրակ:

Երկինքըն ամպել է,
Գետին շաղերով.
Ես քեզ սիրել եմ,
Անուշ խաղերով:

Շախկր-շուխկր քամարս,
Բոյով-սոյով իմ յարս,
Շախկր-շուխկր քամարս,
Բոյով-սոյով իմ յարս:

Արի աղբեր կար անենք
Չար թշնամուն քար անենք:

Շախկր-շուխկր քամարս,
Բոյով-սոյով իմ յարս,
Շախկր-շուխկր քամարս,
Բոյով-սոյով իմ յարս:

Բացվելա մեր կարմիր վարդ
Մեր ցավերին ճար անենք:

Շախկր-շուխկր քամարս,
Բոյով-սոյով իմ յարս,
Շախկր-շուխկր քամարս,
Բոյով-սոյով իմ յարս:

Քելե, քելե

Քելե՛, քելե՛, քելքիդ մեռնեմ,
Քո գովական խելքիդ մեռնեմ,

Սիրավոր լորիկ,Վիրավոր լորիկ
Լորիկ, Սևավոր լորիկ,Լորիկ ջան:

Քելե՛, քելե՛, քողիդ մեռնեմ,
Քո լուսընկա շողիդ մեռնեմ:
Քելե՛, քելե՛, բերնիդ մեռնեմ,
Քո սիրունիկ ձենիդ մեռնեմ:
Քելե՛, քելե՛, ձենիդ մեռնեմ,
Քո հուր-կրակ սերիդ մեռնեմ,
Քելե՛, քելե՛, աչիդ մեռնեմ,
Քո անուշիկ պաչիդ մեռնեմ:

Էս գիշեր լուսնյակ գիշեր

Էս գիշեր լուսնյակ գիշեր,
Վա՜յ, լե՜, լե՜, լե՜, լե՜,Լե՜, լե՜, լե՜, լե՜, լե՜, լե՜,
Ձյունն եկել գետին նախշել.
Ո՞վ է տեսել՝ սիրած յարը մոռանա,
Ով մոռանա, ջուխտ աչքերով կուրանա:

Ա՜յ գիշեր, դարձիր արի,
Վա՜յ, լե՜, լե՜, լե՜, լե՜,Լե՜, լե՜, լե՜, լե՜, լե՜, լե՜,
Հացս թող լինի գարի.
Ո՞վ է տեսել՝ սիրած յարը մոռանա,
Ով մոռանա, ջուխտ աչքերով կուրանա: